وكل ما أنا كنت بسكت أكتر هو كان بيغلط أكتر. ذكرى جوازنا التالتة كانت يوم الحد. وكان المفروض نعمل عزومة صغيرة في البيت ونقضي اليوم مع العيلتين. بعد المكالمة اللي سمعتها، غيرت كل حاجة. اتصلت بماما وبابا. وعزمتهم. واتصلت بأهله. وعزمتهم هما كمان. وعزمت أختي.
قلت لهم نفسي نجتمع كلنا يوم الأحد، هتبقى قعدة حلوة. لما قلت لحسام، ابتسم بمنتهى الثقة. فكرة حلوة جدًا أنا بحب لما العيلتين يتجمعوا. كان فاكر إنه لسه هو اللي ماسك زمام الأمور. ما كانش يعرف إني كنت بدأت أرتب حاجة تانية خالص.
يوم الجمعة، وملك كانت نايمة، دخلت الأوضة اللي فيها مكتب حسام. كنت بدور على شوية ورق محتاجاه. فتحت الدرج اللي تحت المكتب. لقيت تابلت قديم. تابلت حسام اللي كان مبطل يستخدمه بقاله أكتر من سنة. وصلته بالشاحن وفتحته. الشاشة نورت. والحساب بتاعه كان لسه مفتوح.
استنيت شوية لحد ما الإشعارات بدأت تظهر. وفي وسط الإشعارات اسم واحد كان بيتكرر عشرات المرات. نورا. وقفت مكاني. فتحت المدــ,,ـــــادثة. كان فيها مئات الرسايل. قرأت أول كام رسالة وبعدين حسيت إن قلبي بدأ يدق بسرعة. نورا كانت بتقول إنت بجد هتعملها بعد ذكرى جوازكم؟
حسام رد أيوه. قالت بقالك شهور بتقول كده. رد عليها المرة دي هعملها. بس دلوقتي عندي بنت صغيرة، ولازم أتصرف صح. فضلت أقلب في الرسايل. كان قايل لها إن جوازنا منتهي من شهور. وإننا بنام في أوض منفصلة. وإن أنا عارفة إنه ناوي يطلّقني.
وإنّي أنا اللي برفض أصدق إن جوازنا انتهى. ولا كلمة من دول كانت حقيقية. ولا حتى حاجة واحدة. لكن الرسالة اللي بعدها خلت إيدي تبرد. نورا سألت وملك؟ حسام رد مريم غالبًا هتحاول تستخدم البنت ضدي. فضلت باصة للشاشة. مش قادرة أستوعب.
أنا كنت بقالي ست أسابيع بحاول أخليه يقرب من بنته. أقوله يصحى مرة بالليل يشيلها. أقوله يحممها. أقوله يقعد معاها شوية. كنت بحاول أخليه يبقى أب حاضر في حياة بنته. وهو كان بيقول لواحدة تانية إني ممكن أستخدم بنتي ضده! لكن لسه كان فيه رسالة تانية. ظهرت تحتها مباشرة.
نورا قالت طيب لما تسيب البيت هتروح فين؟ حسام رد عندك. فضلت مستنية ردها. بعد كام دقيقة، ظهرت رسالتها حسام إحنا عمرنا ما اتكلمنا إنك هتعيش معايا. رجعت قريت الجملة مرة. وبعدين مرة تانية. وبعدين مرة تالتة.
جوزي كان ناوي يسيبني ويروح لست تانية والست التانية نفسها ما كانتش موافقة يعيش معاها! وقتها فهمت إن المشكلة أكبر من مجرد خېانة. حسام كان عايش حياة كاملة من الأكاذيب ومش بيكدب عليا أنا بس. كان بيكدب عليها هي كمان.
وأنا لسه ما كنتش أعرف إن التابلت ده كان فيه سر أخطر بكتير من نورا. سر لو كنت اكتشفته بدري كان ممكن يغيّر كل حاجة. فضلت قاعدة قدام التابلت وأنا مش قادرة أتحرك. كنت فاكرة إن أسوأ حاجة ممكن أكتشفها هي إنه بيخوني.
لكن الرسالة اللي ظهرت بعدها كانت كفيلة إنها تغيّر كل حاجة. كانت من رقم مش متسجل باسم. خلصت موضوع التقرير؟ حسام رد لسه. الدكتور قال لازم نستنى أسبوع كمان. جالي إحساس غريب. تقرير إيه؟ قلبت في المدــ,,ـــــادثة. لقيت صورة لورقة طبية. قربت الشاشة من عيني. كان اسمي مكتوب عليها.
صاصو صاصو موثّق 👑 ذهبي ✦ ناشر
كاتب إخباري وقاصّ وروائي — أشارككم أهم الأخبار وأمتع القصص والروايات.
أكتب بشغف ما يستحق القراءة — تابعوني ليصلكم كل جديد.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.